رسالة فتاة سعودية تحكي عن بخل زوجها.."حتى الجبن ما يشتري" تفاصيل يشيب لها الرأس!!

انا تزوجت من سبع او ثمان سنوات تقريباً كنا بالبدايه عايشين انا وزوجي مبسوطين وعادي الوضع كنت احب حياتي واحب بيتي وزوجي بعيوبه ومحاسنه واموت فيه رغم ان راتبه ثلاث الاف من عرفته نمشي حالنا فيه وهو للامانه ماعمره قصر علي يحاول ماينقص علي شيء ببدايه السنوات ماحملت ونصرف ع قدناا بس فيه طبع يحاسب الفلوس هذا بكم وهذا بكم هذا غالي لاتاخذينه بالسوبر ما اخذ راحتي اذا جيت بقضي للبيت كل ماخذت شي قال هذا اخذه من البقاله هذا وش تبين فيه ماتحتاجينه

يرجع بعض الاشياء وانقهر ويبي الفاتوره ماتتعدا الثلاث ميه وهي السله كم حبه عصير وكم حبه حبه اندومي وجبن واحد من كل نوع ويبي تكفي فتره!! يقول انقهر ادفع فلوس بالسوبر وارجع اخذ من البقاله ثاني يوم،،قلتله خذ بالدرزن وصرنا ناخذ من التموينات بالكرتون وتكفينا فتره لكن ماتاخذ الا الاساسيات مو كل شي تحصله عندهم بس جاني بسببه عقده نفسيه بسبب المحاسبه والله اشوف ناس راتبهم مثلنا وياخذون مقاضي من السوبر بسبع ميه اقل شيء حتى بالسوق ما اشتري ملابس غاليه اخذ من الهرم والرخيص وهو ياخذ ملابسه من الغاليه شوي يعني

اشوف البطاقه على ملابسه السعر من سبعين ولفوق حتى لو رحنا مطعم اذا تعدت الفاتوره ١٥٠ هذا في بعض المرات يجلس منفس ويقول عشاء بهذا السعر؟؟ يابنات كرهني عيشتي عقدني من كل شيء ابي اشتريه صرت اروح السوبر وما اخذ شيء بسببه الا بخمسين او بميه ريال حتى السوبرات اللي جنبنا مايبي يفتح حساب فيهم يقول اخر الشهر ادفع راتبي كله فيه ويبي اخذ واحاسب ع طول وهو صرافاته معي واسحب منها واحيانا تجي مرفوضه هذا الشيء مكرهني فيه المحاسبه واللحين عندنا بنت لو باخذ لها لعبه لازم من ابو خمسه ابي ادلعها واخذ من محل غالي يقول ماله داعي ااخخ يطلعني يمشيني اروح مطاعم بس يابنات يحاسب

ويقول انا كذا طبعي ماقدر اغيره صرت اخذ بتمارا واقسط عطور وكماليات اللي ودي فيها هو له سنه فاتح محل وقلت بس بيزين وضعنا وبنصرف وننبسط يابنات الحال نفسه ويقول والله ما اربح كثير ياديون يالربح قليل والشيء الثاني ماينام عندي بنفس الغرفه من تزوجته كذا مرات ياخذ فتره وينام عندنا وبعدها بالصاله قبل كنت ما ارضى لين يجي الغرفه وينام واحس براحه اذا نام اللحين صرت ما اتكلم وهو صار اغلب الوقت بالصاله واذا كلمته بالموضوع يعصب انه عادي هالشي تراني بالغرفه الثانيه مو برا البيت وحجته انه يرتاح ع الكنب اكثر من السرير طبعاً العلاقه بيننا طبيعيه نسولف ونطلع والعلاقه الخاصه تصير بس بالنهايه ينام برا الغرفه وانا بنتي لحالنا حتى لو نام عندنا طبعاً بمزاجه ينام ساعتين ثلاث ويصحى ويكمل بالصاله صرت اتضايق منه بشكل مو عادي ودايم اتناقش معاه بالموضوع مايعطيني لا حق ولا باطل يشوفني مكبره السالفه وراقبته وش يسوي احصله يتابع مسلسلات او افلام لين ينام ومن سنه او سنه ونص تقريباً اذا ناقشته او تهاوشنا بسبب موضوع

النوم يكون رده عاجبك عاجبك مو عاجبك روحي ويقول اني نكديه ومكرهته عيشته وكلام كثيرر وانا وقتها زعلت وصار يراضيني ومارضيت قلتله باخذ ملابسي واروح لاهلي لان صار من سنه او سنتين يتمادى بذا الكلام لو تصير مشكله قالها وبالنهايه يراضيني كلام وعذره اني انرفزه واخليه يقول كلام ماوده يقوله بس بعدها مارضيت دايم اعدي له وشرطت يعطيني خمسه الاف رضوه قال بدبره وفعلا جابها لي هذا الكلام قبل شهور وقبل فتره بسيطه تهاوشنا بسبب ان مأجل مشاوييري ووو جلست اهاوش من قهر وهو يقولي طيب بوديك قلتله هذا كلامك دايم وتسحب وتنام وجلست اتكلم واتكلم وقال انا م اسمعك لابس سماعات وانتي تدورين مشاكل قلتله ابي حل ومن ذا الكلام قام عصب قال

كرهتيني عيشتي والبيت وحياتي ومابي اجلس بالبيت وقام بيطلع قال انا مابيك خذي اغراضك واطلعي لا ارجع واشوفك وكان عند الباب كيس فيه اكواب قزاز رفسها وتكسرت بالبيت وطلع انا انصدمت من كلامه وسكتت وشاورت وحده من صديقاتي قالت لاتطلعي انتي نرفزتيه اعتذري منه ومن ذا الكلام اااخخ قمت قلتله انا اسفه ومن ذا الكلام وهو جاء البيت يبيني اراضيه قلتله انا غلطت وانت بعد غلطت بكلامك قال لا ماغلطت وش تبيني اقولك يعني قلتله تطردني من البيت هذا هو الكلام؟؟ وتقول ماتبيني قال والله انتي طلعتيني من شعوري وجلس يبرر اصحابي دايم يهاوشو مع حريمهم وتعدي قلتله واصحاببك يقولو لحريمهم كلامك لي !! مافي بنت ترضى بذا الكلام قال خلاص لاتعيدين وتزيدين بالكلام بس يابنات اقسم بالله جلست ايام فيني غصه قلتله انت ماتبيني قال لاحول

ترجعين تفتحين الموضوع لو ما ابيك وش يجبرني والله اني احبك ولا استغني عنك وهذا كلامه دايم بعد كل مشكله واحس الشي الي خلاه يتمادا ومايحسب لي حساب ولا قدر ولا قيمه واني ماروح لاهلي وخلاص صار واثق من هالشي وانا احاول نتفاهم بالبيت وقال انتي دايم تقًولي طلقني قلتله يعني جالس تننقم قال لا انتقم ولا شي كنت معصب يابنات صرت اكرهه صرت ماطيقه اسولف واضحك معاه بس داخلياً مو مرتاحه ماعاد احس بالامان معه والراحه والحب اللي كان داخلي اختفى صرت طول الوقت كارهه بيتي وكارهته ولا عاد يهمني كان احبه من قلب بس بسبب كلامه واسلوبه طلع من قلبي والله مو مصبرني الا بنتي مابيها تضيع بيننا ولا هو لو ماعندي بنت كنت تطلقت ولا هذا الذل انصحوني

قم بمشاركة المقال