" حكيت لصديقتي هذه الكارثة عني والحين اخوها يبغاني" سعودية تنهار وتحكي تفاصيل مشكلة تعرضت لها!!

انا قبل 3 سنين وشوي توظفت بمكان

وللاسف مارتحت فيه وتركت المكان

يعني جلست بس شهرين وتركت

بس اني تعرفت على وحده تجنن وحليله

وكانت تقهويني وتجي تسولف معي

كانت معي بالاستقبال وقوت علاقتي فيها حتى بعد ماتركت الدوام صرت كل مارحت للمنطقه

اللي كنت متوظفه فيها لازم اكلم صديقتي واقابلها او تعزمني ببيتهم هي لها اخ توام

اعمارهم 30

انا اللي ياخذني استغفر الله

بذيك الفتره قبل ثلاث سنين كان عمر صديقتي هذي 28 اتوقع او 27

وانا 31 يعني انا اكبر منها باربع سنين

انا كذبت عليها

لما سالتني عن عمري قلت نفسك 28 تقريبا!!

وهي انبسطت واو كبري وماعرف ايش

وشبكت البنت مررررره معي ويمين بالله

حسيتها اخت لي

المشكله ايش بعذ ثلاث سنوات هي الان

عمرها 31 وانا 35

وللحين تحسبني كبرها

اخر زياره لها

فاتحتني بموضوع خطوبه

يعني واضح جالسه تجس النبض

وجالسه تطري اخوها كثير وتمدح فيه

وانا حبيب وطيب وياحظ اللي بتاخذه

وانه كبرنا ووده مره وحده بنفس عمره

وقامت تسحب مني هرج

اني عادي اتزوج شخص برا المنطقه!!

وكلام كثير

بس اللي فهمته ناوين خطبه

وجالسه تضحك تقول اخوي يقول

متعلقه بفلانه يقصدني

وكل ماشافني طالعه قال اكيد فلانه جايه

يعني توضح لي جالسه ان حتى اخوها

عرفني وفهمت اني يضحك معها عني

اللي بسالكم

لو فاتحتني بموضوع زواج

كيف اصارحها اني كاذبه عليها بعمري؟

قسم بالله يابنات لما كذبت

ماكنت اشك ولا واحد بالميه

بيصير كذا

ولما كذبت كنت اخجل من عمري

اني كبيره وللان

ماتزوجت ولليوم اخجل من عمري

واحسه شي يفشل

والله يابنات ندمانه قد شعر راسي

ماقلت لها الحقيقه واقسم بالله تمنيت اني

جد جد بعمرها لان متاكده لو عرفو

عمري مستحيل يتقدمون خاصه الولد

احس مستحيل يبي صغيره

وش يبي فيني وحده اكبر منه..

تكفون بنات وش اسوي لو فاتحتني بالموضوع؟

انا شفت اخوها بالصور ومره جاي ياخذها

الولد اعطيه عمر اكبر مني

لكن وش الفايده اذا انا اكبر وهو اصغر

مهما كانت الملامح وش بتفيد 

الناس يهتمون للعمر مو الشكل