رسالة امرأة مطلقة تبكي الحجر..بسببكم سوف ارتكب هذه الاخطاء والمجتمع لا يرحم!!

انا مطلقة عمري في أواخر العشرين و عندي طفلين ممنوع استقل لحالي عشان كلام الناس مع ان انضرب و مرات عيالي ينضربون و اتحمل الأقارب قليلين الأدب و المتطفلين لان ما اقدر اطردهم من بيت اهلي

ممنوعه من الطلعة و الروحة و الجية حتى لو مع سائقة و مرة قالوا انتي ممنوعة من الطلعة من البيت نهائيا مع ان ما سويت شي بس طليقي كان مدمن و يقذفني و هم شكاكين و همهم نظرة الناس و لازم احصل لي رجال عشان اصير انسانه مستقلة محد يشك فيها و مرات ما يخلوني اروح مواعيد عيالي يقولون انتي تبين التمشية في المستشفيات لأنهم يشكون فيني و حتى انا ما اقدر اروح مواعيدي لان ابى التمشية مو العلاج على قولتهم الوظيفة ممنوع و مرة انضربت لان قلت اريد ارفع قضية نفقة قالوا اني بكبر في عيون الناس اذا ما دخلت محاكم و انا متأكدة ان ما في شخص واحد مهتم اذا عندي فلوس اصرف على عيالي و إذا رفعت قضية نفقة او لا السبب الوحيد اني ممنوعه و ما عندي رأي حتى في مصلحة عيالي من كل شي اني مو متزوجة و لان ولدي صغير لازم عمره يكون ١٨ عشان يحرسني و يراقبني و محد يشك فيني حتى قبل لاني انضربت قلت خلاص بدور اي شخص عن طريق خطابة و عصبوا على لان لازم انتظر شخص يخطبني و مرات يقولون اجلسي بدون زواج حياتك هي عيالك و حتى عيالي يمكن ينسحبون اذا تزوجت

انا اقدر اشرد بس اكيد بيتبرون مني و بصير بدون أقارب ازورهم و يزوروني و الكل بينظر لي بنظرة مو زينة في حريم من اقاربنا مستقلات لكن عايشين معهم اخوانهم

تعرفون حد نفس حالتي و ايش كان الحل؟

انا طول الوقت ادعي بزوج الصالح و ان حضانة عيالي تبقى معي،، لكن صعبه ان رجال زين يتزوج مطلقة عندها ولدين و يتحمل عيالها و يكون مثل الاب و ما اقدر اخليهم يرجعون عند ابوهم لان مدمن

انا دايما اتمنى اتزوج الزوج الصالح الوسيم عمره قريب من عمري اللي يكون سند لي و لعيالي،، اهلي هم زوجوني مدمن و دمروا حياتي

و حتى سمعتي بين الأقارب اني انضرب لدرجة طليقي و اهله مع انهم أقارب بعيدين كانوا يعايروني بالضرب ف لازم يخطبني شخص مو من الأهل عشان الأقارب ما يأذونا ب اللقافة و الاسألة و قلنا و قالت و قلت

قم بمشاركة المقال